ව්‍යාජ සහතික පත්‍ර සහ ලිපි ලේඛන සකස් කිරීම සඳහා හලාවත, පුත්තලම පාර ප්‍රදේශයේ පවත්වාගෙන ගිය ස්ථානයක් වැටලීමට පොලිසිය සමත්වී තිබේ. හලාවත පොලිසියේ විශේෂ අපරාධ විමර්ශන අංශයේ නිලධාරීන් කණ්ඩායමක් විසින් ඊයේ සිදුකළ මෙහෙ‍යුමකදී 34 හැවිරිදි සැකකරුවෙකු ද අත්අඩංගුවට ගෙන ඇත.
එම ස්ථානයේ තිබී ව්‍යාජ සහතික පත්‍ර, ග්‍රාම සේවා සහතික, උප්පැන්න සහතික, ග්‍රාම නිලධාරීන්, රෙජිස්ටාර්වරුන්, විදුහල්පතිවරුන් ඇතුළු පුද්ගලයන් භාවිත කරන ව්‍යාජ රබර් මුද්‍රා 48ක් ද පොලිස් භාරයට ගෙන ඇති බව සඳහන්ය. අදාළ වංචාව සිදුකිරීම සඳහා යොදාගත් පරිගණක යන්ත්‍රයක් සහ සංයුක්ත තැටි කිහිපයක් ද පොලිස් භාරයට ගත් බව හලාවත පොලිසිය පැවසුවේය. adaderana
0 comments:
Post a Comment