ජෙනරාල් සරත් ෆොන්සේකා මහතාට එරෙහිව චෝදනා විභාග කිරීමට පත්කළ පළමු යුද අධිකරණයේ පරීක්ෂණ කටයුතු ඉදිරියට පවත්වාගෙන නොයන ලෙස අභියාචනාධිකරණයේ බහුතර විනිසුරුවරුන් යුද හමුදාපතිවරයාට නියෝග කර තිබේ.
අභියාචනාධිකරණයේ සභාපති සත්‍යා හෙට්ටිගේ, රංජිත් සිල්වා සහ අනිල් ගුණරත්න යන විනිසුරු මඩුල්ල හමුවේ තීන්දුව ප්‍රකාශයට පත්කර ඇත. එහිදී රංජිත් සිල්වා සහ අනිල් ගුණරත්න යන විනිසුරුවරුන් ප්‍රකාශ කළේ එම යුද අධිකරණයේ ඉදිරි කටයුතු මැයි මස 21 වැනිදා දක්වා ඉදිරියට පවත්වාගෙන යාමෙන් වළකින ලෙසයි.
නමුත් සභාපති විනිසුරු සත්‍යා හෙට්ටිගේ මහතා වෙනම තීන්දුවක් ලබාදෙමින් එවැනි අතුරු නියෝගයක් නිකුත් නොකරන බව ප්‍රකාශ කර තිබේ.
අදාළ යුද අධිකරණයට පත්කර තිබෙන විනිසුරුවරුන් පක්ෂග්‍රාහී බවත් තමන්ට සාධාරණ විනිශ්චයක් ලබාගැනීම අපහසු බවත් පවසමින් සරත් ෆොන්සේකා මහතා මෙම පෙත්සම ගොනු කර තිබුණි..
ආරක්ෂක මාණ්ඩලික ප්‍රධානී වශයෙන් කටයුතු කරන සමයේ දේශපාලන කටයුතුවල නියැලුණු බවට සරත් ෆොන්සේකා මහතාට වන චෝදනා විභාග කිරීම සඳහා පළමු යුද අධිකරණය ක්‍රියාත්මක විය. adaderana
0 comments:
Post a Comment