උපයන වැටුපට සාපේක්ෂව දිවි ගැට ගසා ගැනීමේ අභියෝගයකට ජනතාව මුහුණ දී සිටින බව විපක්ෂ නායක රනිල් වික්‍රමසිංහ මහතා පවසයි. යුද්ධය පැවති සමයට වඩා ජනතාව මේ වන විට අසීරු තත්ත්වයකට පත්ව ඇති බව හෙතෙම පෙන්වා දෙයි. රට තුළ කර්මාන්තශාලා වැසී යමින් විශාල පිරිසකට රැකියා අහිමි වී ඇති බව විපක්ෂ නායකවරයා අවධාරණය කරයි.
ජී.එස්.පී ප්ලස් බදු සහනය මෙරටට අහිමි කිරීම නිසා අපනයනය මත පදනම් වූ කර්මාන්ත හා ව්‍යාපාර බිඳ වැටෙමින් පවතින බව ද හෙතෙම පෙන්වා දෙයි. මානව හිමිකම් හා ජනමාධ්‍ය නිදහස සුරැකීමට ආණ්ඩුව මේ වන තෙක් ධනාත්මක පියවරක් ගෙන නොමැති බව විපක්ෂ නායක රනිල් වික්‍රමසිංහ මහතා වැඩිදුරටත් ප්‍රකාශ කරයි. adaderana
0 comments:
Post a Comment