රජය සහතික මිලක් පනවා තිබුණ ද වී අලෙවි කර ගැනීම සඳහා ගොවීන්ට අවස්ථාවක් ලැබී නොමැති බව පළාත් සභා මන්ත්‍රී රෝහණ ගමගේ මහතා පවසයි.
වී කිලෝග්‍රෑමයක් සඳහා රුපියල් 31 ක සහතික මිලක් රජය නියම කර තිබුණ ද ගොවීන්ට වී කිලෝග්‍රෑමයක් අලෙවි කිරීමට සිදුව ඇත්තේ රුපියල් 26 ක් වැනි මුදලකට බව ඔහු පෙන්වා දෙයි. එක්සත් ජාතික පක්ෂ ආණ්ඩුවක් යටතේ සහතික මිලට වී මිල දී ගැනීම සඳහා නව ක්‍රියා පටිපාටියක් ඇති කරන බව එප්පාවල ප්‍රදේශයේ පැවති ජනහමුවක් අමතමින් රෝහණ ගමගේ මහතා සඳහන් කළේය.
මේ අතර රජය පනවා ඇති සහතික මිලට වී මිල දී ගැනීම මේ වන විටත් සිදු වෙමින් පවතින බව ගොවිජන සේවා නියෝජ්‍ය අමාත්‍ය සිරිපාල ගම්ලත් මහතා පවසයි. අමාත්‍යවරයා පෙන්වා දෙන්නේ ඇතැම් ගොවීන් කඩිනමින් වී විකුණා ගැනීමේ අරමුණින් නියමිත ප්‍රමිතිය ළඟා වන තෙක් නොසිට වී අලෙවි කිරීමට පෙළඹී සිටින බැවින් ඇතැම් අවස්ථා වල සහතික මිලට වඩා අඩුවෙන් මිල දී ගැනීමට සිදු වන බවය. adaderana
0 comments:
Post a Comment