ජෙනරාල් සරත් ෆොන්සේකා මහතා සම්බන්ධයෙන් වන දෙවන යුද අධිකරණය සඳහා නම් කළ නව විනිසුරු මඩුල්ල ජනාධිපතිවරයාගේ අනුමැතිය සඳහා යොමු කිරීමට පියවර ගෙන තිබේ.
යුද හමුදාපති ලුතිනන් ජෙනරාල් ජගත් ජයසූරිය මහතා මේ සඳහා නම් කළ විනිසුරුවරුන් තිදෙනෙකුගේ නාම ලේඛනය අද දිනයේ ජනාධිපතිවරයා වෙත යොමු කිරීමට නියමිතය. යුද හමුදාවට භාණ්ඩ මිල දී ගැනීම සම්බන්ධයෙන් වන පිළිවෙත් සහ රෙගුලාසි වලට පටහැනිව ක්‍රියාකිරීමට අදාළ චෝදනා යටතේ මෙම යුද අධිකරණයේ නඩු විභාග කෙරෙනු ඇත.
පළමු යුද අධිකරණයේ විනිසුරු මඩුල්ල, දෙවන යුද අධිකරණය සඳහා ද නම් කර තිබූ අතර ඊට එල්ල වූ විරෝධතා මත එම යුද අධිකරණය සඳහා නව විනිසුරු මඩුල්ලක් පත් කිරීමට තීරණය කෙරුණි. පසුගිය 17 වන දා රැස් වූ දෙවන යුධ අධිකරණය ඒ අනුව දින නියමයක් නොමැතිව කල් දැමුණි. adaderana
0 comments:
Post a Comment