දෙමළ ජාතික සන්ධානය සහ රජය අතර අද(01) දිනයේ පැවැත්වීමට තිබූ සාකච්ඡා කල් දමා තිබේ.
පළාත් පාලන මැතිවරණය හේතුවෙන් සාකච්ඡා කල් දැමීමට සිදු වී ඇති බව ආණ්ඩුව තම පක්ෂයට දැනුම් දුන් බව දෙමළ ජාතික සන්ධානයේ පාර්ලිමේන්තු මන්ත්‍රී සුරේෂ් ප්‍රේමචන්ද්‍රන් මහතා ප්‍රකාශ කළේය.
පළාත් පාලන මැතිවරණයේ ප්‍රචාරක කටයුතු වලට බොහෝ අමාත්‍යවරුන් එක්ව සිටින බැවින් මෙලෙස සාකච්ඡා කල් දැමීමට සිදු වූ බව දැනුම් දී ඇත.
උතුරු නැගෙනහිර දෙමළ ජනතාවගේ ගැටලු සහ යාපනය ධීවර ජනතාවගේ ගැටලු මෙහි දී දීර්ඝ වශයෙන් සාකච්ඡා කිරීමට නියමිතව තිබූ බව සුරේෂ් ප්‍රේමචන්ද්‍රන් මහතා ප්‍රකාශ කළේය.
ජනවාරී මස 10 වැනි දින දෙමළ ජාතික සන්ධානය සහ ආණ්ඩුව අතර පළමු වටයේ සාකච්ඡා පැවති අතර දෙවන වටයේ සාකච්ඡා පෙබරවාරී මස 3 වැනි දින පවත්වනු ලැබීය.
මැතිවරණයෙන් පසුව නැවත සාකච්ඡා පවත්වන දිනය සම්බන්ධයෙන් දැනුම් දෙන බවට ආණ්ඩුව ප්‍රකාශ කළ බව සුරේෂ් ප්‍රේමචන්ද්‍රන් මහතා වැඩිදුරටත් සඳහන් කළේය.
skip to main |
skip to sidebar
Copyright © 2009 උණුසුම් පුවත් . Blogger Templates created by Deluxe Templates | Blogger Styles | Wordpress theme by Reviewitonline.
0 comments:
Post a Comment