කිසියම් දේශපාලන පක්ෂයක මැතිවරණ කටයුතු සඳහා රාජ්‍ය දේපළ ලබාදෙන්නේ නම් ඒ සඳහා අනිවාර්යෙන්ම ගාස්තුවක් අය කළ යුතු බව මැතිවරණ කොමසාරිස්වරයා රාජ්‍ය ආයතන ප්‍රධානීන්ට උපදෙස් ලබාදී ති‍බේ.
අදාළ දේපළ ලබාදිය යුත්තේ දේශපාලන පක්ෂ විසින් ඒවා ඉල්ලුම් කරණු ලබන අනුපිළිවෙල අනුව බව ද මැතිවරණ කොමසාරිස් දයානන්ද දිශානායක මහතා චක්‍රලේඛයක් මගින් දැනුම් දී ඇත.
මැතිවරණ ප්‍රචාරක කටයුත්තක් සඳහා රාජ්‍ය දේපළ ඉල්ලා සිටිය ද එය ලබාදීම ප්‍රතික්ෂේප කරන්නේ නම් ඊට හේතුව ලේඛනගත කර ඉදිරිපත් කළ යුතු බව ද එමගින් දැනුම් දී ඇති බව සඳහන්ය.
කිසියම් දේශපාලන පක්ෂයක මැතිවරණ ප්‍රචාරක කටයුතු සඳහා රජයේ දේපළ නොමිලයේ ලබාදීම රාජ්‍ය දේපල අයථා ලෙස පරිහරණය කිරීමක් ලෙස සලකනු ලබන බව ද මැතිවරණ කොමසාරිස්වරයා පවසයි.
0 comments:
Post a Comment