සරත් ෆොන්සේකා මහතා සම්බන්ධ පළමු යුද අධිකරණයේ සියලු වාර්තා සහිත ලිපිලේඛන පාර්ලිමේන්තුවට ඉදිරිපත් කිරීමට නියෝග කරන ලෙස විපක්ෂ නායක රනිල් වික්‍රමසිංහ මහතා අද පාර්ලිමේන්තුවේ දී කතානායකවරයාගෙන් ඉල්ලා සිටියේය.
ෆොන්සේකා මහතාගේ ප්‍රජාතන්ත්‍රවාදී අයිතීන් සහ පාර්ලිමේන්තු වරප්‍රසාද උල්ලංඝණය වී ඇති බව විපක්ෂ නායකවරයා මෙහිදී සඳහන් කළේය.
විපක්ෂනායකවරයාගේ කතාවෙන් අනතුරුව ආණ්ඩු පක්ෂය වෙනුවෙන් මහාචාර්ය ජී.එල්. පීරිස් මහතාගේ කතාවාරය පැමිණ තිබුණ ද ඔහු සභාවේ නොසිටි බැවින් අනුර කුමාර දිසානායක මන්ත්‍රීවරයාට කතාවාරය ලබාදීමට මූලාසනය පියවර ගත් බව අප වාර්තාකරු සඳහන් කරයි.
එහෙත් එයින් අනතුරුව ජී.එල්. පීරිස් මහතා සභාවට පැමිණීමෙන් අනතුරුව තම කතාව ආ‍රම්භ කිරීමට උත්සාහ කළ ද එම අවස්ථාවේ සභාවේ නොසන්සුන් තත්ත්වයක් ඇති වී තිබේ.
සභාවේ ඇතිවූ නොසන්සුන්තාව හේතුවෙන් විනාඩි 5 ක කාලයක් සඳහා පාර්ලිමේන්තුව කල්තැබීමට මීට සුළු වේලාවකට පෙර නියෝජ්‍ය කාරක සභා සභාපති චන්ද්‍රරත්න මුරුගේසු මහතා පියවර ගෙන ඇති බවද සඳහන් වේ.
0 comments:
Post a Comment