සටන ජයග්‍රහණය කිරීම මෙන්ම විමල් වීරවංශ මහතා ජීවත්වීම ද අත්‍යවශ්‍ය බව ජාතික නිදහස් පෙරමුණේ පාර්ලිමේන්තු මන්ත්‍රී, නියෝජ්‍ය අමාත්‍ය වීරකුමාර දිසානායක මහතා පවසයි. අද පැවති මාධ්‍ය හමුවකදී අදහස් දක්වමින් ඒ මහතා මේ බව සඳහන් කළේය.
බැංකි මූන්ගේ ශ්‍රී ලංකා ප්‍රචාරක නිලධාරියා බවට විජිත හේරත් මහතා පත්ව ඇතැයි එම මාධ්‍ය හමුවේදී අදහස් දැක්වූ හිටපු පාර්ලිමේන්තු මන්ත්‍රී, ජාතික නිදහස් පෙරමුණේ ජාතික සංවිධායක ජයන්ත සමරවීර මහතා ප්‍රකාශ කළේය. එමෙන්ම වීරවංශ මහතාගේ උපවාසය තුළින් බලාපොරොත්තු වූ අරමුණු හතර අතරින් 3 1/2 ක් ඉටු කරගැනීමට හැකිවූ බව ද ඔහු පවසයි. විරෝධතාවයේ මූලික අරමුණ වූයේ දේශීය හා විදේශීය වශයෙන් එක්සත් ජාතීන්ගේ කමිටුව පිළිබඳව කතිකාවතක් ඇතිකිරීම බවත්, එය සාර්ථක වූ බවත් සමරවීර මහතා පෙන්වාදෙයි.
කමිටුව ඉවත්කිරීමට උපවාසය තුළින් නොහැකි වුවද ඒ සඳහා අවශ්‍ය පරිසරය සකස් කිරීමේ හැකියාව ලැබුණු බව ද ජාතික සංවිධායකවරයා අවධාරණය කරයි. ඒ හරහා ජනතාව දැනුවත් කිරීමේ හැකියාව ලැබුණු බව ද ඔහු පෙන්වාදෙයි. ලැබූ ජයග්‍රහණය ඇතැමුන් නැවත හැරවීමට උත්සාහ කරන බවට ද ජයන්ත සමරවීර මහතා චෝදනා කරයි. adaderana
0 comments:
Post a Comment