කාලයක සිට සිදුකරගෙන යනු ලැබූ ඉන්ධන ජාවාරමක් සම්බන්ධයෙන් තොරතුරු අනාවරණය කරගැනීමට දඹුල්ල පොලිසිය සමත්ව තිබේ.
දඹුල්ල පොලිසියේ වංචා විමර්ශන අංශයට ලැබුණු තොරතුරක් මත ඊයේ සිදුකළ වැටලීමක දී මේ සම්බන්ධයෙන් අනාවරණය වී ඇති බව සඳහන්වේ.
ප්‍රධාන ඉන්ධන ගබඩාවල සිට පිරවුම්හල් වෙත ඉන්ධන රැගෙන යන බවුසර් අතරමග නවතා ඒවායේ මුද්‍රා තැබීම් ඉවත් කොට මෙම ඉන්ධන ජාවාරම කෙරී ඇති බව වාර්තා වේ.
මේ සම්බන්ධයෙන් ඉන්ධන බවුසරයක රියදුරු, සහායකයා සහ ඉන්ධන මිලදී ගැනීමට පැමිණි පුද්ගලයින් කිහිපදෙනෙකු පොලිසිය විසින් අත්අඩංගුවට ගෙන තිබේ.
එහිදී ව්‍යාජ මුද්‍රා තබන මෙවලම් , වෙනත් බවුසර්වලින් ලබාගත් ප්‍රෙට්රල් සහ ඩීසල් බැරල් තොගයක් මෙන්ම ඉන්ධන බවුසරයක් ද පොලිස් භාරයට ගෙන ඇති බව සඳහන්වේ.adaderana
0 comments:
Post a Comment