තම චිත්‍රපටය ශ්‍රි ලංකාවේ රූගත කිරීම සම්බන්ධයෙන් එල්ල විය හැකි බාධා පිළිබඳ තැකීමක් නොකරන බව ඉන්දීය සුපිරි සිනමා නළු සල්මන් ඛාන් පවසයි. මෙරට රූගත කෙරෙන"රෙඩී"චිත්‍රපටය පිළිබඳ මාධ්‍ය දැනුවත් කිරීමේ හමුවකදී සල්මන් ඛාන් මේ බව ප්‍රකාශ කළේය.
මෙම චිත්‍රපටය සම්බන්ධයෙන් දකුණු ඉන්දීය විරෝධය එල්ල වු බවත්, ශ්‍රී ලංකාවේ සුන්දරත්වය , භාෂාව සහ සංස්කෘතිය චිත්‍රපටය සඳහා මෙරට තෝරා ගැනීමට හේතු වු බවත් හෙතෙම කියා සිටියේය.
එමගින් තමන්ට මුදල් සහ කාලය ඉතිරි කර ගැනීමට හැකි වන බව ද සල්මන් ඛාන් පැවසීය. රුපියල් කෝටි පනහක පමණ ආයෝජනයකින් දින තිහක් පුරා අදාළ චිත්‍රපටය මෙරට ප්‍රදේශ කිහිපයක රූගත කෙරෙන අතර එය ලබන වසරේ ජූලි මාසයේදී තිරගත කිරීමට නියමිතය.
දකුණු ඉන්දීය සිනමා නිළියක වන අශීන් තෝත්තුම්කල් මෙම චිත්‍රපට‍යේ ප්‍රධාන නිළිය ලෙස රඟපෑම විශේෂත්වයකි. තමන් ශ්‍රි ලංකාවේ ජනතාවට දැඩි කැමැත්තක් දක්වන බව ද අද පැවති මාධ්‍ය හමුවේදී ඇය සඳහන් කළාය.adaderana
0 comments:
Post a Comment