කොළඹ නගරයේ එක්රැස් වන කැලිකසළ ප්‍රමාණය ඉක්මවා කොළොන්නාව ප්‍රදේශයේ ගොඩගැසීමෙන් වළකින ලෙස ශ්‍රේෂ්ඨාධිකරණය කොළඹ මහ නගර සභාවට නියම කර තිබේ.
කොළොන්නාව ප්‍රදේශවාසීන් පිරිසක් ඉදිරිපත් කළ පැමිණිල්ලක් සලකා බැලීමෙන් පසුව ශ්‍රේෂ්ඨාධිකරණය මෙම නියෝගය සිදුකර ඇත.. පැමිණිලිකරුවන් කියා සිටියේ කොළඹ නගරයේ එක්රැස්වන කැලිකසළ බැහැර කිරීම සඳහා කොළොන්නාව ප්‍රදේශයේ අක්කර 2ක භූමි භාගයක් පමණක් වෙන් කර තිබූ බවයි.
එහෙත් කොළඹ මහනගර සභාව එම සීමාව උල්ලංඝනය කරමින් අක්කර 8 ක පමණ භූමි භාගයක කැලි කසළ බැහැර කිරී‍මෙන් විශාල පාරිසරික අර්බුදයක් හටගෙන ඇති බව ඔවුන් පෙන්වාදෙයි.
අදාළ කරුණ සැලකිල්ලට ගනිමින් ශ්‍රේෂ්ඨාධිකරණය මේ පිළිබඳ සොයාබලා වාර්තාවක් ඉදිරිපත් කරන ලෙස ද මධ්‍යම පරිසර අධිකාරියට දන්වා සිටින ලදී.
0 comments:
Post a Comment