මේ වසරේ වෙසක් උත්සවය වෙනුවෙන් විශේෂ දුම්රිය සේවයක් ක්‍රියාත්මක කිරීමට දුම්රිය දෙපාර්තමේන්තුව පියවර ගෙන තිබේ. මේ මස 26 වන දින සිට 28 වන දින දක්වා මෙම විශේෂ දුම්රිය සේවය ක්‍රියාත්මක කරන බව දුම්රිය වාණිජ අධිකාරි විජය සමරසිංහ මහතා පැවසුවේය.
කොළඹ කොටුව සිට අනුරාධපුරය දක්වා ලබන 26 සහ 27 යන දින වල පස්වරු 1.35 ට විශේෂ දුම්රිය ධාවනය කිරීමට නියමිතය. එම දිනයන් හී දී පෙරවරු 8.45 ට අනුරාධපුරයේ සිට කොළඹ කොටුව බලා තවත් දුම්රිය දෙකක් යොදවන බව විජය සමරසිංහ මහතා සඳහන් කළේය. මීට අමතරව කොළඹ කොටුවේ සිට පිට පළාත් සඳහා දෛනික දුම්රියන්ට අමතරව අමතර දුම්රිය කිහිපයක් ධාවනයට යෙදවීමට නියමිත බව ද සඳහන්ය. adaderana
0 comments:
Post a Comment