![](https://blogger.googleusercontent.com/img/b/R29vZ2xl/AVvXsEh53L4xvUAi5VIhgPNKPCtyAC8P5KhkKwVvksempLTEROaulmMjFlJL0ZHBrY0SW9y7mQ9vMvyEbE1zw3W0AxoM-3kXPTaeajPUsfWrhFgTHwZdja9g8M4YIGi58cq-kzEG4P8kXTkE9NKn/s320/hora.jpg)
බොරලැස්ගමුව, කටුවාවල ප්රදේශයේ රහසිගතව පවත්වා ගෙන ගිය රියදුරු බලපත්ර ලබා ගැනීම සඳහා ව්යාජ වෛද්ය සහතික නිකුත් කිරීමේ මධ්යස්ථානයක් පොලිසිය විසින් වටලා තිබේ. ඊයේ රාත්රී 11 . 30 ට පමණ නුගේගොඩ කොට්ඨාස අපරාධ විමර්ශන අංශයේ නිලධාරීන් කණ්ඩායමක් විසින් මෙම වැටලීම සිදු කර ඇති බව පොලිස් මාධ්ය ප්රකාශකවරයා සඳහන් කළේය. මෙහි දී එම වෛද්ය මධ්යස්ථානය පවත්වා ගෙන ගිය සොයිසා පුර, අඟුලාන ප්රදේශයේ පදිංචි 22 හැවිරිදි තරුණයෙකු පොලිස් අත්අඩංගුවට ගෙන ඇත.
එසේම අදාළ මධ්යස්ථානයේ වෛද්යවරියක් වශයෙන් සේවය කළ තලංගම ප්රදේශයේ පදිංචි කාන්තාවක ද අත්අඩංගුවට ගත් බව පොලිසිය පවසයි. වැටලීමේ දී ලේ පරීක්ෂා කිරීමට යොදා ගන්නා රසායනික ද්රව්ය, එන්නත් විදින ඇතුළු උපකරණ සහ සම්පූර්ණ නොකළ යෝග්යතා වෛද්ය සහතික පත් මෙන්ම නිකුත් කිරීමට සූදානම් කර තිබූ වෛද්ය සහතික පත් 9 ක් ද පොලිස් භාරයට ගෙන තිබේ. adaderana
0 comments:
Post a Comment