වසර 30 ක යුද්ධයෙන් පසුව ස්ථිරසාර සංවර්ධනයක් කරා රට රැගෙනයාමේ ඓතිහාසික අවස්ථාවක් උදාවී ඇති බව ආසියානු සංවර්ධන බැංකුවේ සභාපති හරුහිතෝ කුරෝඩා මහතා පවසයි. යුද්ධයෙන් විනාශ වූ ප්‍ර‍දේශවල යටිතල පහසුකම් නැංවීමට ද ප්‍රමුඛත්වය ලබාදිය යුතු බව ඔහු සඳහන් කරයි. ශ්‍රී ලංකාවේ සංවර්ධන ක්‍රියාවලියට ආසියානු සංවර්ධන බැංකුවේ සක්‍රිය දායකත්වය ලබාදී ඇති බව හෙතෙම පෙන්ව‍ා දෙයි.
මෙම වසරට බලපාන පරිදි අ‍මෙරිකානු ඩොලර් මිලියන 150 ක ණය මුදලක් ලංකාවට ලබාදී ඇත්තේ එහි එක් පියවරක් වශයෙන් බව ඔහු පෙන්වාදෙයි. ශ්‍රී ලංකාවට ඉහළ වර්ධන වේගයක් අත්පත් කරගැනීමට නම් අයවැය හිඟය පාලනය කරගත යුතු බව ද හෙතෙම අවධාරණය කරයි. ආසියානු සංවර්ධන බැංකුවේ සභාපතිවරයා තෙදින සංචාරයක් සඳහා දිවයිනට පැමිණි අතර ඔහු ඊයේ දිවයිනෙන් පිටත්ව ගියේය. adaderana
0 comments:
Post a Comment