![](https://blogger.googleusercontent.com/img/b/R29vZ2xl/AVvXsEjV_GG5JiUOn6y1B3UNYwo6kaoo_uUxFtOCINNdsnQLyl7J3Z9uYM5V5rJWMwk2oLFMHjq-e4dCnTvhLO4aTAHL6M35yKz-_-x65e6tO_NCxQrdrb_Ec7KYI4YHUJ1ZzGnxJU18fp5J5YH9/s320/dail.png)
ජනාධිපතිවරයාගේ ප්රධානත්වයෙන් මහරගම පිළිකා රෝහලේ අද පැවැති උත්සවයක් වාර්තා කිරීමට ගිය ඩේලි මිරර් පුවත්පතේ ජ්යේෂ්ඨ මාධ්යවේදියකු වන සදුන් ජයසේකර මහතාට ජනාධිපති ආරක්ෂක අංශයේ නිලධාරීන් පහරදීම හේතුවෙන් ඔහු රෝහල්ගත කර ඇති බව වාර්තාවේ.
සදුන් ජයසේකර මහතා මේවන විට කොළඹ ජාතික රෝහලට ඇතුළත් කර තිබේ. ඔහු ඩේලි මිරර් පුවත් පතේ ජනාධිපතිවරයාගේ කටයුතු ආවරණය කිරීම සදහා වෙන්කර ඇති මාධ්යවේදියාය. ඔහු අද පැවැති උත්සවය වාර්තා කිරීමට ගිය මොහොතේ ජනාධිපති ආරක්ෂක අංශය විසින් ඔහුට උත්සව භූමියට ඇතුළුවීමට ඉඩදී නොමැති අතර එහිදී සිදුවූ බහින් බස්වීමකින් අනතුරුව ඔහුට ජනාධිපති ආරක්ෂක අංශයේ නිලධාරීන් පහරදී තිබේ.
එම පහරදීම හේතුවේන ඒ මහතාගේ බෙල්ල ප්රදේශයට තුවාල සිදුව ඇති අතර අනතුරුව ඔහු රෝහල්ගත කිරීමට සහෝදර මාධ්යවේදීන් පියවර ගෙන තිබේ.
කෙසේ වෙතත් ලෝක ජනමාධ්ය දිනය පසුවී දින දෙකක් ඉක්ම යන්නට මත්තෙන් ජනාධිපති ආරක්ෂකයින් විසින්ම මේ ආකාරයෙන් මාධ්යවේදීන්ට පහරදීම කණගාටුවට කරුණකි.lanka truth
0 comments:
Post a Comment