රාජ්‍ය ඖෂධ නිෂ්පාදන නීතිගත සංස්‌ථාව විසින් එම සංස්‌ථාවේ නිෂ්පාදිත බෙහෙත් වර්ග දහතුනක්‌ වෛද්‍ය සැපැයීම් අංශය වෙත නියමිත මිලට වඩා වැඩි මිලකට අලෙවි කිරීමෙන් රුපියල් දහතුන් කෝටි තිස්‌හය ලක්‍ෂ පනස්‌ එක්‌දහස්‌ හැට අටයි ශත විසි හතරක විශාල මුදල් වංචාවක් සිදු කර ඇතැයි ඖෂධ නිෂ්පාදන සංස්‌ථා ආරංචි මාර්ග පවසයි. මෙම වර්ෂය සඳහා රජයේ රෝහල්වලට සැපැයීමට මෙම බෙහෙත් වර්ග වෛද්‍ය සැපැයීම් අංශය විසින් ඖෂධ නිෂ්පාදනය සංස්‌ථාවෙන් මිලදී ගෙන තිබේ. මෙසේ නියමිත මිලට වඩා වැඩි මිලකට රජයේ ආයතනයක්‌ වන වෛද්‍ය සැපැයීමේ අංශය වෙත බෙහෙත් වර්ග අලෙවි කිරීමෙන් දේශීය සැපැයුම්කරුවෙකු වන රාජ්‍ය ඖෂධ නිෂ්පාදන සංස්‌ථා පාලන අධිකාරිය විසින් රජයට විශාල මුදල් වංචාවක් සිදු කර ඇතැයි සෞඛ්‍ය වෘත්තීය සමිති මීට පෙරද පෙන්වා දී තිබිණි.
මෙසේ නියමිත මිලට වඩා වැඩි මිලකට අළෙවි කරන ලද බෙහෙත් වර්ග වනුයේ ඇමොක්‌සිසිලින් කරල් මිලිග්‍රෑම් 250, ක්‌ලොක්‌ස්‌සිලිනිල කරල්, එරිත්‍රොමයිසීන් පෙති, පැරසිටමෝල් පෙති, මෙට්‌ෆෝමින් පෙති, ප්‍රෙඩ්නිසලොන් පෙති, ඩිල්ටියසම් පෙති, වේරපමිල් පෙති, ඩයික්‌ලොෆෙනක්‌ පෙති, කාබමෙසෆින් පෙති, බෙන්ස්‌හෙක්‌සෝල් පෙති, සැලිබියුටමෝල් පෙති) (මිලි ග්‍රෑම් 2 හා4) යනාදියයි.
මෙසේ වැඩි මිලකට බෙහෙත් වර්ග වෛද්‍ය සැපැයීම් අංශය වෙත සපයමින් ඖෂධ නිෂ්පාදන සංස්‌ථාව අධික ලාභයක්‌ ඉපයීමට සමත් වූ බව පෙන්වමින් ඒ හරහා පාලන අධිකාරියේ වරප්‍රසාද වැඩි කර ගැනීමටත්, අධික සේවක පිරිස්‌ බඳවා ගනිමින් දේශපාලන පත්වීම් රැසක්‌ ලබා දීමටත් ක්‍රියා කර ඇතැයි වෘත්තීය සමිති පවසයි.lankatruth
0 comments:
Post a Comment