ශ්‍රී ලංකාවේ වෙනම රාජ්‍යයක් සඳහා වූ ආණ්ඩුවක් විදෙස් රටක පිහිටුවීම පිළිබඳ ජාත්‍යන්තර දෙමළ ප්‍රජාව බෙදීමකට ලක්ව සිටින බව අමාත්‍ය විනයාගමූර්ති මුරලිදරන් මහතා පවසයි. අදාළ කරුණ සම්බන්ධයෙන් ජාත්‍යන්තරය තුළ සැලකිය යුතු බලපෑමක් සිදුකිරීමට එම සංවිධානය අසමත් වී ඇති බව ඔහු සඳහන් කරයි. ඔවුන්ගේ පරස්පර විරෝධී මතවාද හේතුවෙන් ජාත්‍යන්තර දෙමළ ප්‍රජාව කණ්ඩායම් 3කට බෙදී ඇති බව විනයාගමූර්ති මුරලිදරන් මහතා පෙන්වා දෙයි.
වී. රුද්‍රකුමාර්ගේ නායකත්වයෙන් යුත් අමෙරිකානු දෙමළ ප්‍රජාව වෙනම කණ්ඩායමත් වශයෙනුත් නෙදියවන් මූලිකත්වය ගන්නා නෝර්වේ දෙමළ ප්‍රජාව තවත් කණ්ඩායමක් වශයෙනුත් කටයුතු කරන අතර ලන්ඩනයේ දෙමළ ප්‍රජාව වෙනත් මතයක් දරන බව මුරලිදරන් මහතා සඳහන් කරයි. සැබෑ නොවන එම ආණ්ඩු සිහිනය වෙනුවෙන් සහය පළකිරීමට දෙමළ ප්‍රජාව ප්‍රතික්ෂේප කර ඇතැයි ද මුරලිදරන් මහතා වැඩිදුරටත් පෙන්වා දී තිබේ. adaderana
0 comments:
Post a Comment