අධිකරණ නියෝග මත අංගොඩ මානසික රෝහලේ නේවාසිකව ප්‍රතිකාර ලබන රෝගීන් පිළිබඳ වාර්තා කිරීම සඳහා වූ නිරීක්ෂණ මණ්ඩලය යළි ක්‍රියාත්මක කිරීමට සෞඛ්‍ය අමාත්‍යාංශය තීරණය කර තිබේ. වසර 10කට පසුව මෙම නීරීක්ෂණ මණ්ඩලය ක්‍රියාත්මක කෙරෙන බව එම අමාත්‍යාංශය පවසයි. අදාළ නීරීක්ෂණ මණ්ඩලය මෙතෙක් ක්‍රියාත්මක නොවීම හේතුවෙන් අධිකරණ නියෝග මත රෝහල් ගත කෙරුණු මානසික රෝගීන් අපහසුතාවට පත්ව සිටි බව අමාත්‍යාංශය පෙන්වා දෙයි.
ඊට හේතුව ඇතැම් පුද්ගලයින් මානසික රෝග සුවපත් වීමෙන් අනතුරුව පවා රෝහලේ රැඳි සිටින තත්ත්වයට පත්ව සිටීමය. ඔවුන් රෝහලින් පිටත් කර හැරීම සඳහා අදාළ නීරීක්ෂණ මණ්ඩලයේ නිර්දේශය අවශ්‍ය වන අතර එම මණ්ඩලය ක්‍රියාත්මක නොවීම හේතුවෙන් සුවපත් වු පිරිස පවා රෝහලේ රැඳී සිටින බව සඳහන්ය. මේ පිළිබඳ කඩිනම් අවධානය යොමු කර නීරීක්ෂණ මණ්ඩලය යළිත් පත් කරන ලෙස සෞඛ්‍ය අමාත්‍ය මෛත්‍රීපාල සිරිසේන මහතා මානසික සෞඛ්‍ය ඒකකයට උපදෙස් ලබාදී ඇත. adaderana
0 comments:
Post a Comment