පෞද්ගලික බස් රථ තුළ සිඟමන් යැදීම සහ වෙළඳාම් කටයුතු නතර කිරීම සඳහා සහයෝගය ලබා දෙන ලෙස ලංකා පෞද්ගලික බස් රථ හිමියන්ගේ සංගමය පොලිසියෙන් ඉල්ලීමක් කරයි. මැයි මස 01 වැනි දින සියලු පෞද්ගලික බස් රථ තුළ සිඟමන් යැදීම සහ වෙළඳාම් කටයුතු තහනම් කිරීමට ලංකා පෞද්ගලික බස් රථ හිමියන්ගේ සංගමය තීරණය කළේය.
ඒ සඳහා අවශ්‍ය සහයෝගය ලබා දෙන ලෙස පොලිස්පති මහින්ද බාලසූරිය මහතාගෙන් ඉල්ලීමක් කර ඇතත්, මෙතෙක් ඒ සඳහා පිළිතුරක් ලැබී නොමැති බව බස් හිමියන්ගේ සංගමයේ සභාපති ගැමුණු විජේරත්න මහතා සඳහන් කළේය. කෙසේ හෝ තම බස් හිමියන්ගේ සංගමය ගත් තීරණය මැයි පළමු වැනි දින සිට අනිවාර්යෙන් ක්‍රියාත්මක කරන බව ගැමුණු විජේරත්න මහතා වැඩිදුරටත් අවධාරණය කළේය. adaderana
0 comments:
Post a Comment