මාතලේ දිස්ත්‍රික්කයේ ප්‍රදේශ කිහිපයක් හරහා හඹා ගිය සුළඟක් හේතුවෙන් නිවාස රැසක් හානියට පත්ව ඇති බව දිස්ත්‍රික් ආපදා කළමනාකරණ මධ්‍යස්ථානය පවසයි.
ඊයේ දිනයේ බලපෑ මෙම සුළං තත්ත්වය හේතුවෙන් දඹුල්ල ප්‍රාදේශීය ලේකම් කොට්ඨාශයේ ඇතාබැදිවැව සහ පන්නම්පිටිය යන ප්‍රදේශවල නිවාස 16 ක් හානියට පත්ව ඇති බව වාර්තා වේ. ඉන් නිවාස 4 ක් මුළුමනින්ම විනාශ වී ඇති බව මාතලේ දිස්ත්‍රික් ආපදා කළමනාකරණ මධ්‍යස්ථානය සඳහන් කරයි.
මේ හේතුවෙන් පවුල් 22 ක් පමණ අවතැන්ව ඇති අතර එම පවුල් සඳහා අවශ්‍ය සියලු පහසුකම් සැලසීමට පියවර ගෙන ඇති බව ද එම මධ්‍යස්ථානය සඳහන් කළේය. මේ අතර අකුණු සැර වැදීමක් හේතුවෙන් නාවුල, අරංගලවත්ත ප්‍රදේශයේ කාන්තාවක් ජීවිතක්ෂයට පත්ව තිබේ. adaderana
0 comments:
Post a Comment