අද පාර්ලිමේන්තුවට ඉදිරිපත් කෙරුණු හදිසි නීතිය මසකින් දීර්ඝ කිරීමේ යෝජනාවට පක්ෂව ඡන්ද 93 ක්ද විපක්ෂව ඡන්ද 24 ක්ද ලැබීමෙන් වැඩි ඡන්ද 69 න් සම්මත විය.
ජනතා විමුක්ති පෙරමුණ,එක්සත් ජාතික පක්ෂය,මනෝ ගනේෂන් මහතාගේ නායකත්වයෙන් යුතු ප්‍රජාතන්ත්‍රවාදී ජනතා පෙරමුණ,ද්‍රවිඩ ජාතික සන්ධානය යෝජනාවට විපක්ෂව ඡන්දය ප්‍රකාශ කර ඇත..
පාර්ලිමේන්තුව විසුරුවා හැර තිබියදී යළි කැඳවීමට ජනාධිපතිවරයාට හිමි බලතල උපයෝගී කර ගනිමින් හදිසි නීතිය යළි මසකින් දීර්ඝ කිරීමට අවස්ථාව සලසා ගැනීම සඳහා අද දින පාර්ලිමේන්තුව යළි රැස් කෙරිණි.
එසේම අප්‍රේල් මස 06 වන දින හදිසි නීතිය මසකින් දීර්ඝ කිරීම සඳහා පාර්ලිමේන්තුව යළි රැස්වීමට නියමිතව තිබේ. පාර්ලිමේන්තුව විසුරුවා හැර තිබියදී මේ අයුරින් පාර්ලිමේන්තුව හදිසි නීතිය සම්මත කර ගැනීම සඳහා හදිසියේ කැඳවූ දෙවන අවස්ථාව මෙය බව වාර්තා වේ.
2001 සැප්තැම්බර් මස 14 වන දින එවකට ජනාධිපතිනියව සිටි චන්ද්‍රිකා බණ්ඩාරනායක මැතිණියගේ සමයේදීද මේ අයුරින්ම පාර්ලිමේන්තුව හදිසයේ කැඳවා තිබේ. ada
0 comments:
Post a Comment