අප්‍රේල් 8 වැනිදායින් පසු දැඩි තීන්දු තීරණ ගැනීමට සිදුවන බව අග්‍රාමාත්‍ය රත්නසිරි වික්‍රමනායක මහතා පවසයි.
මෙතෙක් දැඩි තීන්දු තීරණ ගනු ලැබුවේ මානුෂීය අයිතිවාසිකම් නැති කිරීමට හෝ ප්‍රජාතන්ත්‍රවාදී අයිතිවාසිකම් නැති කිරීමට නොවන බව අග්‍රාමාත්‍යවරයා සඳහන් කළේය. මාතර කඹුරුපිටියේ පැවති මැතිවරණ ප්‍රචාරක රැළියක් අමතමින් අග්‍රාමාත්‍ය රත්නසිරි වික්‍රමනායක මහතා මේ බව කියා සිටියේය.
දේශීය හා විදේශීය ව‍ශයෙන් රටට එල්ල වන තර්ජන ගර්ජන මෙල්ල කර ශීඝ්‍ර සංවර්ධනයක් අත්පත් කර ගැනීමට දැඩි තීන්දු තීරණ ගන්නා බව අග්‍රාමාත්‍යවරයා මෙහිදි ප්‍රකාශ කළේය. තුනෙන් දෙකක ජනවරමක් ලබාදී රජය සමඟ මෙරට ජනතාව සිටින බවට විදේශීය රටවලට පණිවිඩයක් ලබාදිය හැකි බව අග්‍රාමාත්‍යවරයා මෙහිදි වැඩිදුරටත් අවධාරණය කළේය. adaderana
0 comments:
Post a Comment