පොලිස් දෙපාර්තමේන්තුවේ පෞරුෂය බිඳවැටීම සම්බන්ධයෙන් හේතු දක්වන ලෙස පොලිස්පතිවරයාට කොළඹ මහේස්ත්රාත් අධිකරණය අද නියෝග කරන ලදී. කොළඹ මහේස්ත්රාත් චම්පා ජානකී රාජරත්න මහත්මිය සඳහන් කරන පරිදි අපරාධ සම්බන්ධයෙන් පොලිසියේ විමර්ශන කටයුතුවල අඩුපාඩුකම් රැසක් පවතී.
විනිසුරුවරිය මේ බව කියා සිටියේ නීතිවිරෝධී විදේශ ගමන් බලපත්‍රයක් ළඟ තබාගත් පුද්ගලයෙකුට එරෙහිව සාක්ෂි ඉදිරිපත් කිරීමට පොලිසිය අසමත් වීම හේතුවෙනි..
වර්තමානයේ දී නඩුවල පැමිණිලි මෙහෙයවීම හා සාක්ෂි ලබාදීමේ දී අඩුපාඩුකම් රැසක් සිදුවන බවයි විනිසුරුවරිය සඳහන් කළාය. පොලිසියේ මෙම ක්‍රියාකලාපය සමාජයේ නීතිය හා සාමය කඩා වැටීමට ප්‍රධානතම හේතුව බව කොළඹ මහේස්ත්‍රාත්වරිය තරු පැළඳ සිටින නිලධාරීන් ශීත කාමරවලින් බැහැර වී නඩු කටයුතු පවත්වාගෙන යාමට දායක විය යුතු බව චම්පා ජානකී රාජරත්න මහත්මිය කියා සිටියාය.
කෙසේ වෙතත් පොලිසියේ මෙම දුර්වලතාව සම්බන්ධයෙන් ලබන මස 14 වැනිදාට කරුණු ඉදිරිපත් කරන ලෙස මහේස්ත්‍රාත්වරිය නීතිපතිවරයාට උපදෙස් ලබාදුන්නාය.ada
0 comments:
Post a Comment