එල්.ටී.ටී.ඊ හිතවාදීන් යැයි සැකකෙරෙන පිරිසක් තමිල්නාඩුවේ දුම්රිය මාර්ගයක් පුපුරුවා හැර ඇති බව ඉන්දීය මාධ්‍ය වාර්තා කරයි. තිරුචිරපලෙයි සිට චෙන්නායි බලා ධාවනය වූ රොක් ෆෝට් එක්ස්ප්‍රස් දුම්රිය ඉලක්ක කරමින් මෙම පුපුරවා හැරීම සිදුකර තිබේ. විල්ලුපුරම් දිස්ත්‍රික්කයට අයත් පේරනි දුම්රිය ස්ථානය ආසන්නයේ අද අලුයම මෙම පිපිරීම සිදුව තිබේ. පිපිරීමෙන් දුම්රිය මාර්ගය අඩි 3ක පමණ කොටසක් කැඩී ගොස් ඇති අතර දුම්රිය නියාමකවරයා විසින් හදිසි තිරිංග යොදා දුම්රිය නතර කිරීම හේතුවෙන් සිදුවීමට තිබූ විශාල හානියක් වැළකුණු බවයි ඉන්දීය මාධ්‍ය පෙන්වා දෙයි. පසුගියදා ජනාධිපති මහින්ද රාජපක්ෂ මහතාගේ ඉන්දීය සංචාරයට විරෝධය පළ කරමින් බෙදාහැරි අත්පත්‍රිකා කිහිපයක් ද දුම්රිය මාර්ගයේ පිපිරීම සිදුවූ ස්ථානයේ තිබී සොයා‍ගෙන තිබේ. adaerana
0 comments:
Post a Comment