ඊයේ රාජගිරිය මැතිවරණ කොමසාරිස් කාර්යාලයේදී පැවැති පක්ෂ ලේකම්රවරු හා මැතිවරණ කොමසාරිස්වරයා අතර සාකච්ඡාවේදී නීති විරෝධී ප්‍රචාරක පුවරු ඉවත්කිරීම සම්බන්ධයෙන් පොලිස්පතිවරයා පවසා ඇත්තේ එම පුවරු ගැලවීමට යන අවස්ථා වලදී යම් යම් පුද්ගලයන් පොලීසියට ඔරවන බැවින් එය සිදුකිරීමේ හැකියාවක් නොමැති බවයි.
එහිදී එසේ පොලීසියට තර්ජන කළ පුද්ගලයන් සම්බන්ධයෙන් පොලීසිය ගෙන ඇති ක්‍රියාමාර්ග මොනවාදැයි පක්ෂ ලේකම්වරු ප්‍රශ්න කල අවස්ථාවේදී පොලිස්පතිවරයා පවසා ඇත්තේ එලෙස තර්ජනයට ලක්වූ කිසිම නිලධාරියකු ඒ පිළිබදව පැමිණිලි කොට නැති නිසා පොලීසියට කිසිදු ක්‍රියාමාර්ගයක් ගැනීමට නොහැකිවී ඇති බවයි.
පොලිස්පතිවරයා මේ පවසන්නේ පොලීසියේ නොහැකියාවද නොඑසේනම් පොලීසියේ පක්ෂග්‍රාහී ක්‍රියාකලාපයද යන්න ගැටළුවකි. මක්නිසාද යත් මේවන විට නීතිවිරෝධී කටවුට් වැඩිම ප්‍රමාණයක් තිබෙන්නේ පොලීසි ඉදිරි පිටය. මාතර පොලීසිය මීට හොදම උදාහරණයකි.
කෙසේ වෙතත් පොලිස්පතිවරයා පවසන ආකාරයට අපරාධකරුවන් අත්අඩංගුවට ගැනීමට නොහැකි වන්නේ ඔවුන් ආයුධ සන්නද්ධව සිටි බැවින් යැයිද, ස්ත්‍රී දූෂකයන් අත්අඩංගුවට ගැනීමට නොහැකිවූයේ ඔවුන් ඔරවා බැලූ නිසා යැයිද, මිනීමරුවන් අත්අඩංගුවට ගැනීමට නොහැකිවූයේ ඔවුන් තමන්ද ඝාතනය කරනු ඇතැයි සිතුණු නිසාද යැයි පොලීසිය යම් දිනක පැවසීම අරුමයක් නොවනු ඇත. lankatruth
0 comments:
Post a Comment