ශ්‍රීලංකාවේ බැංකු මේ වන විට කර්මාන්තයක් හැටියට ලොව පැරණිම රැකියාවටත් වඩා බාල්දු වී ඇති බව විපක්ෂ නායක රනිල් වික්‍රමසිංහ මහතා පවසයි.
අපේ ආදායම් වාර්ෂිකව කෝටි 70,500 ක් වුණත් ණය පොලී සහ වාරික ගෙවීම් වෙනුවෙන් කෝටි 82,500 ක් වෙන් කරන්නට සිදුව ඇති බව විපක්ෂ නායක රනිල් වික්‍රමසිංහ මහතා පෙන්වාදෙයි.
එච්.එස්.බී.සී බැංකුවෙන් මෑතකදී ගන්නා ලද ණය මුදල් 2012 දී ගෙවන්නට සිදුව ඇති බැවින් ඒ වන විට ණය මුදල් 50% න් යළි වැඩි වන බවද හෙතෙම කියා සිටියේ අද පැවති මාධ්‍ය හමුවකදීය.
2012 දී ණය මුදල් 50% න් යළි වැඩි වන මුත් ඊට සාපෙක්ෂව ආණ්ඩුවේ ආදායම් තත්ත්වය වැඩි නොවන හෙයින් ජනතාවට දැඩි දුෂ්කරතාවයන්ට මුහුණ දෙන්නය සිදුවනු ඇතැයි හෙතෙම කියා සිටියේය.
එක්සත් ජාතික පෙරමුණේ ආණ්ඩුවක් පිහිටුවීමෙන් පසු ජාත්‍යත්තර මූල්‍ය අරමුදල සමග දැනට ගසා ඇති ගිවිසුම අහෝසි කරන බවත්,ඒ වෙනුවට රටට හිතකර වෙනත් ගිවිසුමක් ඇති කර ගැනීමට කටයුතු කරන බවද ඔහු කියා සිටියේය.
2010 දී ජී.එස්.පී ප්ලස් සහනය අරන් දීමට කටයුතු කරන බවත්,ඉන්දියාවත් සහභාගී කරගෙන කෝටි 100 ක වෙළෙඳපොළක් ඇති කරගන්නා බවත්,සෙසු රටවල් ද සහභාගී කරවාගෙන 2010 අවසාන වන විට කෝටි 150 ක වෙළෙඳපොළක් අත්පත් කර ගැනීමට කටයුතු කරන බවත් විපක්ෂ නායකවරයා පැවසීය. ada
