සෝමාලියානු මුහුදු කොල්ලකරුවන්ගේ අත්අඩංගුවේ පසුවන ශ්‍රී ලාංකිකයින් 13 දෙනා නිදහස් කිරීමට නම් අමෙරිකානු ඩොලර් මිලියන 20ක කප්පම් මුදලක් ලබාදෙන ලෙස කොල්ලකරුවන් දැනුම් දී තිබේ.
අත්අඩංගුවේ පසුවන ශ්‍රී ලාංකිකයින් පිරිස යහපත් සෞඛ්‍යය තත්ත්වයෙන් පසුවන බවට සනාථ කර ඇති බව ජෙඩා හි ශ්‍රී ලංකා කොන්සල් ජෙනරාල් සෆරුල්ලා ඛාන් මහතා පවසයි. ඉන්ධන සහිත අදාළ නෞකාව අරාබි මුහුදේ දී සෝමාලියානු කොල්ලකරුවන්ගේ ග්‍රහණයට හසුවූයේ මීට දෙසතියකට පෙරය. අදාළ නෞකාවේ සිටින කාර්ය මණ්ඩලයට සිය ඥාතීන් සමග සන්නිවේදන සබඳතා පැවැත්වීමට කොල්ලකරුවන් මේ වන විට ඉඩ ලබා දී ඇත.
එසේම ජාත්‍යන්තර රතු කුරුස සාමාජිකයින්ට ද නෞකාවට ඇතුළු වී කාර්ය මණ්ඩලයේ තත්ත්වය නිරීක්ෂණය කිරීමට මුහුදු කොල්ලකරුවන් අවස්ථාව ලබාදී ඇති බව වාර්තා වේ. කාර්ය මණ්ඩලය බේරාගැනීම සඳහා නෞකාව අයත් සමාගම සමග සාකච්ඡා පවත්වන බව ජෙඩාහි කොන්සාල් ජෙනරාල්වරයා වැඩිදුරටත් ප්‍රකාශ කර ඇත. කෙසේ වෙතත් මුහුදු කොල්ලකරුවන් සමග ඍජු සාකච්ඡා පැවැත්වීමට තානාපති නිලධාරීන්ට මෙතෙක් අවස්ථාවක් ලැබී නොමැති බව වාර්තා වේ. adade
0 comments:
Post a Comment