එක්සත් ජාතීන්ගේ මහ ලේකම් බැන් කී මූන් විසින් ශ්‍රී ලංකාවේ මානව හිමිකම් වාතාවරණය පිළිබඳ උපදෙස් ලබා ගැනීම සඳහා පත් කිරීමට යෝජිත කමිටුව රටට තර්ජනයක් වන බව විදේශ කටයුතු අමාත්‍ය රෝහිත බෝගොල්ලාගම මහතා පවසයි. එමගින් රටේ ස්වෛරීය භාවයත්,භෞමික අඛණ්ඩතාවයත් තර්ජනයට ලක් කරන බව හෙතෙම කියා සිටියි.
ශ්‍රී ලංකාවේ මානව හිමිකම් වාතාවරණය පිළිබඳ උපදෙස් ලබා ගැනීම සඳහා උපදේශක කණ්ඩායමක් පත් කිරීමට කටයුතු කරමින් සිටින්නේ එක්සත් ජාතීන්ගේ මහා මණ්ඩලයේ හෝ මානව හිමිකම් කවුන්සිලයේ ගනු ලැබූ තීරණයක් අනුව නොවන බවද ඇමතිවරයා පෙන්වා දුන්නේ අද පැවති මාධ්‍ය හමුවකදීය.
එක්සත් ජාතීන්ගේ දේශපාලන කටයුතු පිළිබඳ නියෝජ්‍ය ලේකම්වරයා වන ලින් ෆැස්කෝ මහතා මහ මැතිවරණයෙන් පසුව ශ්‍රී ලංකාවේ සංචාරයක නිරත වී ලංකාවේ යහපත් වාතාවරණය සම්බන්ධයෙන් වාර්තාවක් ලබා දෙනු ඇතැයි තමා බලාපොරොත්තු වන බවද හෙතෙම කියා සිටියේය.
එසේ වුවද ශ්‍රී ලංකාවේ මානව හිමිකම් වාතාවරණය පිළිබඳ උපදෙස් ලබාගැනීම සඳහා විශේෂඥ කණ්ඩායමක් පත්කිරීම කිසිසේත් ශ්‍රී ලංකාවේ ස්වෛරීභාවයට හානිකිරීමක් නොවන බව එක්සත් ජාතීන්ගේ මහලේකම් බැන්කි මූන් මහතා පවසා තිබිණි.
මාධ්‍යවේදීන් පිරිසක් අමතමින් බැන්කි මූන් මහතා ප්‍රකාශ කර තිබුණේ එවැනි කමිටුවක් පත්කිරීමට එක්සත් ජාතීන්ගේ මහලේකම්වරයා ලෙස තමන්ට පූර්ණ බලතල හිමිවී ඇති බවයි. adade
0 comments:
Post a Comment