මාර්තු මස මන්ත්‍රී වැටුප ප්‍රතික්ෂේප කරමින් පාර්ලිමේන්තු මූල්‍ය අංශයට මෙතෙක් නිල වශයෙන් ලිපියක් භාර දී ඇත්තේ දිනේෂ් ගුණවර්ධන අමාත්‍යවරයා පමණක් බව පාර්ලිමේන්තු මූල්‍ය අංශය පවසයි.
අමාත්‍යවරයා මෙලෙස වැටුප් ප්‍රතික්ෂේප කරන්නේ එක්දිනක් පමණක් සභාව රැස්වූ බැවින් මාර්තු මාසය සඳහා මන්ත්‍රීවරුන් වැටුප් ලබානොගත යුතු බවට මර්වින් සිල්වා අමාත්‍යවරයා කළ යෝජනාවක් අනුවය. 2009 මාර්තු 09වන දින පාර්ලිමේන්තුව රැස්වූයේ හදිසි නීතිය මසකින් දීර්ඝ කර ගැනීම සඳහාය. පැවති පාර්ලිමේන්තුව විසුරුවා හැර තිබූ බැවින් මේ මාසය සඳහා මන්ත්‍රීවරුන්ට වැටුප් නොගෙවිය යුතුව තිබුණි.
නමුත් එක් දිනක් සඳහා මැති සබය යළි රැස්වූ බැවින් මන්ත්‍රීවරුන් 225දෙනාටම මාර්තු සඳහා යළි වැටුප් හිමිකම් හිමිවිය. රුපියල් මිලියන දහසයක වියදමක් මාසිකව මන්ත්‍රී වැටුප් සඳහා දරන බව පාර්ලිමේන්තු මූල්‍ය අංශය සදහන් කළේය. එබැවින් එක් දිනක් පමණක් පාර්ලිමේන්තු පැමිණ වැටුප් ලබාගැනීම නුසුදුසු බව පවසමින් මර්වින් සිල්වා අමාත්‍යවරයා යෝජනාවක් සභාවට ගෙන ආවේය. එහෙත් යෝජනාව ගෙන ආ මන්ත්‍රීවරයාවත් මෙතෙක් තම මූල්‍ය වරප්‍රසාද ප්‍රතික්ෂේප කරමින් ලිපියක් නිල වශයෙන් යොමුකර නැති බව පාර්ලිමේන්තුවේ මූල්‍ය අංශය පවසයි.
මාර්තු මස වැටුප ප්‍රතික්ෂේප කර ලිපිය භාරදී ඇත්තේ දිනේෂ් ගුණවර්ධන අමාත්‍යවරයා පමණි. මන්ත්‍රී වැටුප් ගෙවීමට නියමිතව තිබෙන්නේ මාර්තු 26 සහ 27 දිනවලය. adadera
0 comments:
Post a Comment