දිවයින පුරා පිහිටි පෞද්ගලික ඔසුසැල් සහ විලවුන් අළෙවි කරන මධ්‍යස්ථාන වැටලීමේ වැඩපිළිවෙළක් ක්‍රියාත්මක කිරීමට විලවුන් උපකරණ හා ඖෂධ පිළිබඳ ජාතික අධිකාරිය තීරණය කර තිබේ.
විශේෂයෙන්ම තත්ත්වයෙන් බාල ඖෂධ හා විලවුන් උපකරණ අළෙවි කිරීම , ගබඩා කිරීම මෙන්ම ඖෂධ අළෙවියේ දී නියමිත ප්‍රමිතීන්ට අනුව කටයුතු නොකිරීම යන කරුණු මුල් කර ගෙන මෙම වැටලීම් සිදු කිරීමට නියමිතය.
ඇතැම් පෞද්ගලික ඔසුසැල් පුහුණු ඖෂධවේදියෙකුගේ සේවය නොමැතිව පවත්වාගෙන යන බවත් ආහාර ද්‍රව්‍ය සහ ඖෂධ එකම ශීතකරණයක් තුළ ගබඩා කිරීම ද දැක ගත හැකි බවත් සෞඛ්‍ය අමාත්‍යාංශය පෙන්වා දෙයි.
විලවුන් උපකරණ සහ ඖෂධ පිළිබඳ ජාතික අධිකාරිය මඟින් පසුගිය වසරේ වැටලීම් 239ක් සිදු කර ඇති අතර එයි 203ට එරෙහිව නඩු පවරා රුපියල් මිලියන 2ක මුදලක් දඩ වශයෙන් අය කර ගෙන තිබේ
0 comments:
Post a Comment