ජ.වි.පෙන් තරග කළොත් මැරුම්-අපේක්ෂිකාවකගෙන් පැමිණිල්ලක්February 6, 2011 12:30 pm

එළඹෙන පළාත් පාලන මැතිවරණයට පේදුරුතුඩුව නගර සභාවට තරගවදින ජනතා විමුක්ති පෙරමුණේ අපේක්ෂිකාවක වන තවරාසා පුෂ්පරාණි නැමැති අයට නන්නාදුනන පිරිසක් විසින් මරණ තර්ජන එල්ල කර ඇතැයි පේදුරුතුඩුව පොලීසිය පවසයි.

ඊයේ රාත්‍රීයේ තමන්ට නාදුනන පිරිසක් විසින් මරණ තර්ජන එල්ල කළ බවට ඇය විසින් අද(06)පොලීසියට පැමිණිලි කර තිබේ.

ඇගේ නිවසට පැමිණුනු පොලිස් ඇඳුමට සමාන ඇඳුමින් සැරසුණු පිරිසක් විසින් මෙසේ තර්ජනය කර ඇති බවත්,ජනතා විමුක්ති පෙරමුණ සමග පවත්නා සබඳතා පිළිබඳ මෙම පිරිස විසින් ප්‍රශ්න කළ බවද සඳහන් වේ.

පළාත් පාලන මැතිවරණයට ජනතා විමුක්ති පෙරමුණෙන් තරග නොකරන ලෙසට තරයේ තවරාසා පුෂ්පරාණි නැමැත්තියට අවවාද කළ බවත්,එකී නියෝගය නොපිළිපදින්නේනම් මරා දමන බවට තර්ජනය කළ බවද අද දෙරණ වාර්තාකරු පවසයි.