ෆොන්සේකා වෙනුවෙන් 8 දා සත්‍යග්‍රහයක්

ලබන 8 වැනිදා කොළඹ මැගසින් බන්ධනාගාරය ඉදිරිපිට දැවැන්ත සත්‍යග්‍රහ ව්‍යාපාරයක් පවත්වන බව ජනතා විමුක්ති පෙරමුණ පවසයි.

සරත් ෆොන්සේකා මහතා සිරගත කර වසරක් ගතවීම නිමිත්තෙන් මෙය සංවිධාන කරන බව එම පක්ෂයේ ප්‍රචාරක ලේකම් විජිත හේරත් මහතා සඳහන් කරයි.

ප්‍රජාතන්ත්‍රවාදය සඳහා වු ජනතා ව්‍යාපාරයේ මූලිකත්වයෙන් පැවැත්වෙන මෙම සත්‍යග්‍රහ ව්‍යාපාරය සඳහා පක්ෂ භේදයෙන් තොරව සියලු දෙනා එක්විය යුතු බව ඔහු පෙන්වාදෙයි.

අද(06) කොළඹ පැවති මාධ්‍ය හමුවකට එක්වෙමින් අදහස් දැක්වු විජිත හේරත් මහතා පැවසුවේ එක් එක් කාරණා හමුවේ වෙන්ව සටන් කිරීම හෝ එක්ව සටන් කිරීම පිළිබඳ වෙන වෙනම තීරණගත යුතු බවයි.