ආපදා පෙදෙස් වල ඡන්දය එපා-විමල් ඉල්ලයි

ආපදාවට ලක්වු බහුතරයක් වෙසෙන ප්‍රදේශවල පළාත් පාලන මැතිවරණය පැවැත්වීම කල් දමන ලෙස ජාතික නිදහස් පෙරමුණ මැතිවරණ කොමසාරිස්වරයාගෙන් ඉල්ලා සිටියි.

එම පක්ෂයේ නායක අමාත්‍ය විමල් වීරවංශ මහතා ලිපියක් මගින් මෙම ඉල්ලීම කර තිබේ.

මැතිවරණය පැවැත්වෙන දිනය ප්‍රකාශයට පත් කිරීමෙන් අනතුරුව ඇතිවු ආපදා තත්ත්වය හේතුවෙන් පළාත් රැසක විශාල පිරිසක් පීඩාවට පත්ව ඇති බව ඔහු පෙන්වා දෙයි.

එබැවින් මාර්තු 17 වන දින අදාළ ප්‍රදේශවල මැතිවරණය පැවැත්වීම යෝග්‍ය නොවන බව විමල් වීරවංශ මහතා වැඩිදුරටත් මෙම ලිපියේ සඳහන් කර තිබේ