පළාත් පාලන මැතිවරණයට අදාළව 11 ක් අත්අඩංගුවේ

පළාත් පාලන මැතිවරණයට අදාළ පුද්ගලයින් 11 දෙනෙකු පමණ මේ වන විට අත්අඩංගුවට ගෙන ඇති බව පොලිස් මැතිවරණ මහලේකම් කාර්යාලය පවසයි.

පොලිස් මැතිවරණ කාර්යාලය භාර ජ්‍යෙෂ්ඨ නියෝජ්‍ය පොලිස්පති ගාමිණී නවරත්න මහතා ප්‍රකාශ කර සිටියේ ඊයේ දිනය වන විට මෙම පිරිස අත්අඩංගුවට ගෙන සිටි බවයි.

පළාත් පාලන මැතිවරණ නීතී රීතී වලට පටහැනිව කටයුතු කළ සහ කලහකාරී ලෙස හැසිරුනු පුද්ගලයින් පිරිසක් මෙලෙස අත්අඩංගුවට ගත් බව ඔහු සඳහන් කරයි.

පසුගිය මැතිවරණ වලට සාපේක්ෂව මෙවර මැතිවරණයට අදාළ සිදුවීම් පිළිබඳ ලැබෙන පැමිණිලි සංඛ්‍යාව ද අඩු වී ඇති බව ගාමිණි නවරත්න මහතා පවසයි.

පළාත් පාලන මැතිවරණ නීතී පිළිබඳව අපේක්ෂකයින් දැනුවත් කිරීමේ කටයුතු දිවයින පුරා පිහිටි පොලිස් ස්ථාන වල මෙහෙයවීමෙන් තවදුරටත් ක්‍රියාත්මක බවද ගාමිණි නවරත්න මහතා වැඩිදුරටත් සඳහන් කළේය.