Sunday, February 6, 2011

කහවත්ත රෝහලේ වෘත්තීය ක්‍රියා මාර්ගය එලෙසම

රත්නපුර , කහවත්ත මූලික රෝහලේ කාර්ය මණ්ඩලය ආරම්භ කර ඇති වෘත්තීය ක්‍රියාමාර්ගය තවදුරටත් ක්‍රියාත්මක කරමින් සිටියි.

තම ගැටලුව සම්බන්ධයෙන් ස්ථීර විසඳුමක් ලබාදෙන තෙක් මෙම වෘත්තීය ක්‍රියාමාර්ගය අඛණ්ඩව ගෙන යන බව රෝහල් කාර්ය මණ්ඩලයේ ප්‍රකාශකයෙක් සඳහන් කර සිටියේය.

පසුගිය 4 වන දින රාත්‍රීයේදී බීමත් පුද්ගලයින් කිහිපදෙනෙකු රෝහලට පැමිණ රෝහල් කාර්ය මණ්ඩලයට සහ රෝහල් පොලිසියේ නිලධාරීන්ට පහරදීමේ සිදුවීමට විරෝධය පළ කිරීම මෙම වෘත්තීය ක්‍රියාමාර්ගයේ අරමුණ බව සඳහන් වේ.

ඒ අනූව ඊයේ(05)දිනයේ සිට වෛද්‍යවරුන් ඇතුළු සියලු කාර්ය මණ්ඩලය අත්‍යවශ්‍ය සේවා හැර සෙසු සේවා වලින් ඉවත්ව සිටියි.

මේ සම්බන්ධයෙන් පළාත් සෞඛ්‍ය අධ්‍යක්ෂවරයා සමඟ ඊයේ පැවති සාකච්ඡා අසාර්ථක වු බව ද රෝහල් ප්‍රකාශකයා වැඩිදුරටත් සඳහන් කළේය.

0 comments:

Post a Comment