![](https://blogger.googleusercontent.com/img/b/R29vZ2xl/AVvXsEi9H-Fhs40cztAWVu8FrRDG-UcfYmxkNWZRtphdCzNSDonZvgVMR3TQsHVqCo1KoEKXJOGHjaoxdbbYB3iKClcZDdHkkhQ4tLsKZeK0aEFky5PmX8_Cp9ULRBxbknbACpKgRDO9685UCCoj/s320/srii.jpg)
ඉන්දියාවේ,චෙන්නායිහි පිහිටි ශ්රී ලංකා මහ කොමසාරිස් කාර්යාලය වසා දමන ලෙස ආණ්ඩුවට බල කරමින් විරෝධය පෑ දකුණු ඉන්දීය දේශපාලනඥයින් වන වයිකෝ,පී.නැදුමාරන්,පාණ්ඩියන් ඇතුළු 400 ක පමණ පිරිසක් අත්අඩංගුවට ගෙන තිබේ.
මෙම විරෝධතා පා ගමන සඳහා අවසර ලබා ගෙන නොතිබීම හේතුවෙන් මෙම පිරිස අත්අඩංගුවට ගෙන ඇති බව ඉන්දීය පොලීසිය සඳහන් කර තිබේ.
ඉන්දීය එම්.ඩී.එම්.කේ පක්ෂ මහ ලේකම් වයිකෝ ගේ සහභාගිත්වයෙන්,පී.නැදුමාරන්ගේ නායකත්වයෙන් තවත් දේශපාලන පක්ෂ හා සිවිල් සංවිධාන ගණනාවක සහභාගිත්වයෙන් මෙම විරෝධතාවය පැවැත්වූ බව ඉන්දීය මාධ්ය උපුටා දක්වයි.
එල්.ටී.ටී.ඊ නායක වී.ප්රභාකරන්ගේ මව වූ පාර්වතී අම්මාල් මිය ගේ සොහොනට බලු මළකුණු ගෙන විත් දැමීමට විරෝධය පාමින් ඉන්දියාවේ ශ්රී ලංකා මහ කොමසාරිස් කාර්යාලය අසල විරෝධතාවයක් පැවැත්වීමට දකුණු ඉන්දීය ද්රවිඩ නායකයින් තීරණය කර තිබුණු බව ඊයේ සඳහන් කෙරිණි.
ඒ අනුව අද(28)චෙන්නායි,මයිලපූර්හි තාගේෂ්වර උද්යානයෙන් විරෝධතා පා ගමනක් ආරම්භ කෙරුණු අතර එය ශ්රී ලංකා මහ කොමසාරිස් කාර්යාලය දක්වා පැමිණ තිබේ.
පාර්වතී අම්මාල් මිය ගේ අදාහන කටයුතු සිදු කළ දින රාත්රීයේ කිසියම් වූ සන්නද්ධ පිරිසක් විසින් වෙඩි තබා මරා දමන ලද බල්ලන් තිදෙනෙකුගේ මළ කුණු සොහොනට ගෙනවිත් දමා තිබු බව මාධ්ය මගින් අනාවරණය කෙරිණි.
මෙම සිදුවීම ම්ලේච්ඡ ක්රියාවක් බවත්,මෘත දේහය දහනය කළ සොහොන මැදින් වාහනයක් එහා මෙහා පදවාගෙන ගොස් තිබීම නිසා මිනී අළු විසිරී තිබුණු හෙයින් ඇගේ මරණය වෙනුවෙන් නිසි පරිදි චාරිත්රානුකූලව අවසන් කටයුතු සිදුකරන්නට අවස්ථාව නොලැබුණු බවත්ද්රවිඩ ජාතික සන්ධානයේ පාර්ලිමේන්තු මන්ත්රී එම්.ඒ ශිවාජිලිංගම් මහතා මීට පෙරාතුව ප්රකාශ කර තිබිණි.
කෙසේ වෙතත් මෙම නින්දිත ක්රියා මාර්ගයට එරෙහිව දකුණු ඉන්දියාවේ පිහිටි ශ්රී ලංකා මහ කොමසාරිස් කාර්යාලය ඉවත් කරගත යුතු බවට බල කරමින් අද දිනයේ විරෝධතා පා ගමන සංවිධානය කර තිබිණි.
0 comments:
Post a Comment