වර්තමානයට ගැලපෙන නව ජාතික අධ්‍යාපන ප්‍රතිපත්තියක් ස්ථාපිත කරන බව අධ්‍යාපන අමාත්‍ය බන්දුල ගුණවර්ධන මහතා පවසයි.
පාර්ලිමේන්තු විද්වත් තේරීම් කාරක සභාවක් පිහිටුවා පොදු එකඟතාවයක් සහිතව එම ප්‍රතිපත්ති සකස් කරන බව අමාත්‍යවරයා පෙන්වා දෙයි. ඊයේ පෙරවරුවේ මල්වතු අස්ගිරි මහා නාහිමිවරුන් හමු වූ අවස්ථාවේ දී බන්දුල ගුණවර්ධන අමාත්‍යවරයා මෙම අදහස් පළ කළේය.
දරුවන් පාසැල් වලට ඇතුළත් කිරීම, විභාග ගැටලු, ගුරු ප්‍රශ්න ඇතුළු ගැටලු රැසක් මේ වන විට අධ්‍යාපන ක්ෂේත්‍රය පුරා උද්ගත වී ඇති බව බන්දුල ගුණවර්ධන මහතා සඳහන් කළේය. නව ජාතික අධ්‍යාපන ප්‍රතිපත්තියක් ස්ථාපිත කිරීම මගින් මෙම සියලු ගැටලු වලට විසඳුම් ලබා දෙන බව අධ්‍යාපන අමාත්‍යවරයා මෙහි දී පෙන්වා දුන්නේය. adaderana
0 comments:
Post a Comment