පොසොන් උත්සවය සාර්ථකව පැවැත්වීම සඳහා මේ වන විට සියලු කටයුතු යොදා ඇති බව අනුරාධපුර දිස්ත්‍රික් ලේකම් එච්. එම්. කේ හේරත් මහතා පවසයි. අද දිනයේ සිට ලබන 28 වැනිදා දක්වා පොසොන් සතිය ප්‍රකාශයට පත්කර ඇති බව ඔහු සඳහන් කරයි. ඊයේ පස්වරුවේ පොසොන් උත්සව සංවිධායක කමිටුව අනුරාධපුර දිස්ත්‍රික් ලේකම් කාර්යාලයේ දී රැස්වීමෙන් අනතුරුව දිස්ත්‍රික් ලේකම්වරයා මේ අදහස් පළ කළේය.
පොසොන් සම‍ෙය් අනුරාධපුරයට, මිහින්තලයට සහ තන්තිරිමලයට පැමිණෙන වන්දනාකරුවන් සඳහා අවශ්‍ය පානීය ජලය, ආහාර, සෞඛ්‍ය හා සනීපාරක්ෂක පහසුකම් සැලසීමට පියවර ගන්නා බව දිස්ත්‍රික් ලේකම් එච්. එම්. කේ හේරත් මහතා ප්‍රකාශ කළේය. වන්දනාකරුවන්ට අවශ්‍ය විශේෂ බස් හා දුම්රිය සේවාවන් මෙන්ම රථවාහන නැවැත්වීම සඳහා රථගාල් ද සකස් කර ඇති බව දිස්ත්‍රික් ලේකම්වරයා වැඩිදුරටත් සඳහන් කළේය. adaderana
0 comments:
Post a Comment