පසුගිය ජනාධිපතිවරණයේ දී ජෙනරාල් සරත් ෆොන්සේකා මහතාගේ ඡන්ද ව්‍යාපාරයට අමෙරිකානු රජය හා නෝර්වේ රජය විශාල මුදල් ආධාර ලබා දුන් බවට ආරක්ෂක ලේකම් ගෝඨාභය රාජපක්ෂ මහතා ක‍ර තිබූ ප්‍රකාශයක‍් හේතුවෙන් මේ වන විට බරපතළ රාජ්‍යතාන්ත්‍රික අර්බූදයක් මතුව ඇත. ආරක්ෂක ලේකම්වරයා ‘ස්ටේ‍රට් ටයිම්ස්’ පුවත්පතට ඊයේ (11) දිනයේ දී සාක‍ච්ඡාවක් ලබා දෙමින් කියා සිටියේ අමෙරිකාව සහ නෝර්වේ රජය සෘජුවම සරත් ෆොන්සේකා මහතාගේ ඡන්ද ව්‍යාපාරයට මුදල් ආධාර ලබා දුන් බවකි. නමුත් ආරක්ෂක ලේක‍ම්වරයාගේ මෙම ප්‍රකාශය දැඩි ලෙස ප්‍රතික්ෂේප ක‍රන නෝර්වේ රජය සහ අමෙරිකානු රජය සෘජුවම ප්‍රකාශ කොට ඇත්තේ ගෝඨාභය රාජපක්ෂ මහතාගේ ප්‍රකාශය අසත්‍ය එක‍ක‍් බවත්, තම රජයන් කිසිඳු විටෙක ජෙනරාල් සරත් ෆොන්සේකා මහතාට මුදල් ආධාර ලබා දී නොමැති බවත්ය. මෙහිදී නෝර්වේ රජය නිවේදනයක‍් නිකුත් කරමින්, තමන් ශ්‍රී ලංකාවේ අභ්‍යන්තර කටයුතුවලට ඇගිලි නොගසන බව සඳහන් කොට ඇති අතර ශ්‍රී ලංකාවේ අමෙරිකානු තානාපති කාර්යාලය ප්‍රකාශ කොට ඇත්තේ ඉකුත් ජනාධිපතිවරණයේ දී තම රජය කිසිදු අපේක්ෂක‍යෙකුගේ පාර්ශ්වයක් නොගත්ත ද නිදහස් සහ සාධාරණ මැතිවරණයක් පැවැත්වීමට පමණක් රජයට බලකර සිටි බවකි. Mirasa.or
0 comments:
Post a Comment