ඇමැති ජී.එල්ට මහින්දට ජනතාව හූ කියත

ආපදා කළමනාකරණ හා මානව හිමිකම් අමාත්‍ය මහින්ද සමරසිංහ සහ අපනයන සංවර්ධන හා ජාත්‍යන්තර වෙළෙඳ කටයුතු අමාත්‍ය මහාචාර්ය ජී.එල්. පීරිස් යන මහත්වරුන්ට කොළඹ අලූත් කඩේ ශ්‍රේෂ්ඨාධිකරණ පරිශ්‍රයේදී අද (12) පෙරවරුවේ හූ සංග්‍රහයකට ලක් වන්නට සිදුවිය.
මෙම ඇමැතිවරුන් දෙදෙනා කිසියම් කාර්යකට අධිකරණ භූමියට පැමිණ සිටි අතර ඔවුන් හූ සංග්‍රහයට ලක්වූයේ අධිකරණ බිමේ සිට පෙරළා යද්දීය.
අමාත්‍යවරුන් දෙදෙනාට හූ කියන ලද්දේ ජෙනරාල් සරත් ෆොන්සේකා මහතා ගේ මූලික අයිතිවාසිකම් පෙත්සම විභාගයට ගැනීමේ අවස්ථාව දැක බලා ගැනීම සඳහා ශ්‍රේෂ්ඨාධිකරණ භූමියට පැමිණ සිටි පිරිස විසිනි.
ඇමතිවරුන් දෙදෙනා වාහනවල නැග අධිකරණ භූමියෙන් පිටවන තෙක්ම හූ සංග්‍රහය නොකඩවා පැවැත්විණි.