අග්නිදිග ආසියානු කලාපීය රටවල සෞඛ්‍ය වෘත්තිකයින් පුහුණු කිරීමේ මධ්‍යස්ථානය මෙරට ස්ථාපිත කිරීමට ලෝක සෞඛ්‍ය සංවිධානය තීරණය කර තිබේ.
වසර 75ට අධික කාලයක් මෙරට ක්‍රියාත්මක වූ නිදහස් සෞඛ්‍ය සේවාව සහ මෙරට සෞඛ්‍ය වෘත්තිකයින්ට ලබා දී ඇති විශේෂ පුහුණුව වැනි කාරණා සලකා බලා එම අවස්ථාවට ශ්‍රී ලංකාවට හිමිව ඇති බව සෞඛ්‍ය අමාත්‍යාංශය සඳහන් කරනු ලැබීය.
තවද මාතෘ මරණ අනුපාතික, ළදරු මරණ අනුපාතිකය සෙසු ආසියානු කලාපීය රටවලට සාපේක්ෂව අවම මට්ටමක රඳවා ගැනීමට ශ්‍රී ලංකාවට හැකි වී තිබීම ද මෙහි දී ලෝක සෞඛ්‍ය සංවිධානය සලකා බලා තිබේ.
ශ්‍රී ලංකාව සතුව පවතින මෙම අත්දැකීම් අග්නිදිග ආසියානු කලාපීය රටවලට ලබා දිය හැකි වන පරිදි අග්නිදිග ආසියානු කලාපීය රටවල සෞඛ්‍ය වෘත්තිකයින් පුහුණු කිරීමේ මධ්‍යස්ථානය ශ්‍රී ලංකාවේ පිහිටුවීමට ලෝක සෞඛ්‍ය සංවිධානය තීරණය කර ඇති බව සඳහන්ය.
adaderana.lk
0 comments:
Post a Comment