සෞදි අරාබියේ ගෘහ සේවිකාවක් ලෙස රැකියාවකට ගොස් එහිදී බිළිදෙකු මරා දැමීමේ චෝදනාවට මරණීය දණ්ඩනය නියම වූ ශ්‍රී ලංකික තරුණියක වන රිසානා නෆීක්ගේ මරණ දඬුවම අත්හිටුවා ඇති බව විදේශ රැකියා ප්‍රවර්ධන හා සුබ සාධන අමාත්‍ය ඩිලාන් පෙරේරා මහතා අද(07) පාර්ලිමේන්තුවේදී ප්‍රකාශ කර තිබේ.
ශ්‍රී ලංකා ජනාධිපති මහින්ද රාජපක්ෂ මහතාගේ ඉල්ලීමට අනුව සවුදි අරාබියානු රජු විසින් මෙම තීරණයට එළඹ ඇති බව පෙරේරා මහතා සඳහන් කළ බව ද අද දෙරණ පාර්ලිමේන්තු වාර්තාකරු සඳහන් කළේය.
සවුදි අරාබියානු ශරියා නීතියට අනුව රිසානා නෆීක් අදාළ චෝදනාවෙන් නිදහස් කළ නොහැකි අතර නමුත් ඇයගේ දඬුවම අත්හිටුවිය හැකි බව ඒ මහතා පෙන්වා දී තිබේ. ඒ අනුව රිසානා මරණ දඬුවමින් නිදහස් වන මුත් ඇයගේ අදාළ චෝදනාවට වරදකරු ලෙස සැළකෙන බව ද සඳහන්ය.adaerana.lk
0 comments:
Post a Comment