ජනාධිපති මහින්ද රාජපක්ෂ මහතාට ලන්ඩනයේදී සිදුවුණු අකරතැබ්බය සම්බන්ධයෙන් තමන් කනගාටුවට පත්වන බව එක්සත් ජාතික පක්ෂය පවසයි.
ජනාධිපතිවරයාට ඒ අයුරින් අපහසුතාවට පත්වන්නට සිදුවූයේත්,ඔක්ස්ෆර්ඩ් සරසවියේ දේශනය අවලංගු වීමෙන් නියමිත සංචාරය අවලංගු කර යළි හදිසියේ මව්බිමට ගොඩබසින්නට සිදුවූයේ ආණ්ඩුවේද අත්වැරැදීමකින් බව එ.ජා.ප මහ ලේකම් තිස්ස අත්තනායක මහතා අද පැවති මාධ්‍ය හමුවකට එක්වෙමින් සඳහන් කළේය.
ජනාධිපතිවරයා රාජ්‍යතාන්ත්‍රික ගමනක් ගිය නිසා එකී ගුවන්යානය,ගොඩබසින වේලාව,ගමන් කරන අංගණය ආදී සියලු තොරතුරු විරෝධතාකරුවන් අතට පත්වූයේ කෙසේද යන්න පිළිබඳ සොයා බැලිය යුතු බව මහ ලේකම්වරයා මෙහිදී පෙන්වාදුන්නේය.
මෙම තොරතුරු හෙළිදරව් වීම පිළිබඳ ශ්‍රී ලංකා විදේශ කටයුතු අමාත්‍යංශයත්,බ්‍රිතාන්‍යයේ ශ්‍රී ලංකා තානාපති කාර්යාලයත් වගකිව යුතු බවද,මොවුන්ගේ නොසැලකිල්ලෙන් සිදුවූ කනගාටුදායක සිදුවීමට අදාළව තමන්ගේ වැරැද්ද වසාගන්නට මේ වන විට යූ.ඇන්.පියට ඇඟිල්ල දිගු කරමින් සිටින බවත් මහ ලේකම්වරයා කියා සිටියේය. -adaderna.lk
0 comments:
Post a Comment