කරු ජයසූරිය මන්ත්‍රීවරයාට එරෙහිව ඉදිරිපත් කෙරෙන විශ්වාස භංගයෙන් ඔහු පරාජය වුවත් ආණ්ඩු ක්‍රම ව්‍යවස්ථාවට අනුව ඔහුගේ මන්ත්‍රීධූරය අහෝසි නොවන බව කොළඹ විශ්ව විද්‍යාලයේ ජ්‍යෙෂ්ඨ කථිකාචාර්ය ආචාර්ය නීතීඥ ප්‍රතිභා මහානාම මහතා පවසයි.
1977 ආණ්ඩුක්‍රම ව්‍යවස්ථාවේ ආණ්ඩුක්‍රම ව්‍යවස්ථාවේ 89 හා 91 වගන්ති වල මන්ත්‍රීවරයෙකුගේ මන්ත්‍රීවරයෙකු සම්බන්ධව පවතින නුසුදුකම් පිළිබඳ දැක්වෙන බව එහි දී කරු ජයසූරිය මහතාගේ මන්ත්‍රීධුරය අහෝසි විය හැකි අවස්ථාවන් සම්බන්ධයෙන් කරුණු පැහැදිලි කරමින් ප්‍රතිභා මහානාම මහතා සඳහන් කළේය.
පාර්ලිමේන්තුවට ගෙන එන විශ්වාස භංග යෝජනාවක් පරාජයට පත්වුවහොත් ඒ පාර්ලිමේන්තු මන්ත්‍රීවරයාගේ ධූරය අහිමිවීම සම්බන්ධව ව්‍යවස්ථාවේ කිසිදු තැනක සඳහන් නොවන බව ද ඔහු අවධාරණය කළේය.
නමුත් ආණ්ඩුක්‍රම ව්‍යවස්ථාවේම සඳහන් වන ආකාරයට අදාළ මන්ත්‍රීවරයාට එරෙහිව විශේෂ ජනාධිපති විමර්ශන පරීක්ෂණ කොමිසමක් පවත්වා එහි තීරණය අනුව ඔහු වැරදිකරුවුවහොත් එහිදී ලැබෙන දඬුවම මත පාර්ලිමේන්තු මන්ත්‍රීධූරය අහිමිවිය හැකි බව ද හෙතෙම පෙන්වාදුන්නේය.
එමෙන්ම 06 වන අණ්ඩුක්‍රම ව්‍යවස්ථාවේ 151 (ආ) යටතේ ශ්‍රී ලංකාව ඒකීය රාජ්‍යයක් බවත් එය බෙදීමට උපකාර කරන, ශ්‍රී ලංකාව තුළ හෝ එයින් පිටත යම්කිසි කෙනෙකු එය වර්ධනය කරන හා ඒ සම්බන්ධ පරීක්ෂණයකින් වැරදිකරු වුවහොත් එවැනි අවස්ථාවක ද පාර්ලිමේන්තු මන්ත්‍රීධූරය ද අහිමිවිය හැකි බව මහානාම මහතා පෙන්වාදුන්නේය.
විශ්වාස භංග යෝජනාවකින් පරාජයට පත්වුවද මන්ත්‍රීධුරය අහිමිනොවන බවත්, විය හැක්කේ ඔහුගේ ඉදිරි දේශපාලන අනාගතයට යම් බලපෑමක් වීම බව ද හෙතෙම කියා සිටියේය.
adaderana.lk
0 comments:
Post a Comment