![](https://blogger.googleusercontent.com/img/b/R29vZ2xl/AVvXsEgkq7gsMnHVD827fUU8xghiI2DS-EBqfjhuDb8wjPIZLTRdUYdtjhdfzbVAh8tbr5eqv4IhTIDVfKO87LHZscIN9jBhSZefZSiDbpDn9242neJLsTg392SItO94y2dOZ4SKUH9niNztfXw7/s320/chandi.gif)
ලොව ප්රථම අගමැතිනිය බලයට පත් වූ දිනය ශ්රී ලංකා රජයට මුළුමනින්ම අමතක වී ඇතැයි හිටපු ජනාධිපතිනි චන්ද්රිකා බණ්ඩාරනායක කුමාරතුංග මැතිනිය පවසයි.
ලොව ප්රථම අගමැතිනිය බලයට පත්වී ජූලි මස 21 වන දිනට වසර 50 ක් සම්පූර්ණ වූ බවත්,ශ්රී ලංකා රජය එය සැමරිය යුතුව තිබුණු බවත් ඇය බී.බී.සී ලෝක සේවයට පවසා තිබේ. වත්මන් රජය බණ්ඩාරනායක පවුලට ප්රසිද්ධියේ එදිරිවාදිකම් කරන බවද ඇය සඳහන් කර ඇත.
සිරිමාවෝ බණ්ඩාරනායක මැතිනිය සිහිපත් කරමින් "රටේ සාමාන්ය ජනයාට විනා රජයට හෝ ඇයගේ පක්ෂයට ඇගෙන් රටට පක්ෂයට වූ සේවය අමතක වී යාම පිළිකුල් සහගතයි.නින්දිතයි"චන්ද්රිකා බණ්ඩාරනායක මැතිනිය සඳහන් කර ඇත. "ශ්රී ලංකාව ලෝක සිතියමේ සලකුණු කරන්නට ඇය සමත්වුණා.ඇය නොබැඳි ජාතීන්ගේ සංවිධානයේ නායකත්වය ගනු ලැබුවා..විදෙස් රටවල් සමග ගනුදෙනු බොහොමයක් ඇති කර ගැනීමට ඇය කටයුතු කළා." චන්ද්රිකා මැතිනිය සිහිපත් කර ඇත.
එසේ වුවද ශ්රී ලංකාවේ ප්රථම විධායක ජනාධිපතිනිය යළිත් ක්රියාකාරී දේශපාලනයට පිවිසෙනු ඇත්දැයි ප්රශ්න කිරීමේදී ඇය ඊට පිළිතුරක් දීම ප්රතික්ෂේප කළ බවද බී.බී.සී සේවය සඳහන් කරයි.adaderana
0 comments:
Post a Comment