රාජ්‍ය දැව සංස්ථාවේ අම්පාර ප්‍රාදේශීය කළමනාකරුවෙකුගේ වැඩ තහනම් කර තිබේ. අම්පාර මහඔය , රඹුක්කන්ඔය ප්‍රදේශයේ සිදුවු දැව ජාවාරමකට සම්බන්ධ බවට අදාළ ප්‍රාදේශීය කළමනාකරුවාට එරෙහිව චෝදනා එල්ල වී ඇති බව රාජ්‍ය දැව සංස්ථාවේ සභාපති එස්.අමරසිංහ මහතා පැවසීය.
ඒ අනුව ඔහුගේ වැඩ තහනම් කිරීමට පියවර ගත් බව සඳහන් කළ සභාපතිවරයා එම සිද්ධියට සම්බන්ධ බවට සැ‍ක කෙරෙන තවත් නිලධාරීන් දෙදෙනෙකුගේ වැඩ තහනම් කිරීමට මීට පෙර පියවර ගත් බව ද කියා සිටියේය. සංස්ථා සභාපතිවරයා ලෙස තමාට හිමි බලතල යටතේ මෙම පියවර ගත් බව අමරසිංහ මහතා සඳහන් කළේය.
වන සංරක්ෂණ දෙපාර්තමේන්තුවේ අඩවි වන නිලධාරීන් විසින් මෙම දැව ජාවාරම පිළිබඳ තොරතුරු අනාවරණය කර ගැනීමට සමත් වී තිබුණි. adaderana
0 comments:
Post a Comment