දෙමළ භාෂාව නිල භාෂාවක් ලෙස භාවිතා කරන ලෙස ඉල්ලා මදුරෙයි අධිකරණය ඉදිරිපිට ද්‍රවිඩ ජාතික නීතිඥයින් පිරිසක් විරෝධතා ව්‍යාපාරයක නිරත වී ඇතැයි විදෙස් මාධ්‍ය උපුටාදක්වයි.
අධිකරණය ඉදිරිපිට කොඩි කණුවේ ඉන්දියානු කොඩිය ප්‍රදර්ශනය කරන තැන කළු කොඩියක් ඔසවා ඇතැයිද මහත්මා ගාන්ධිගේ පිළිරුවේ බස්තමේ කළු රෙදිපටි ගැට ගසා ඇතැයිද සඳහන් වේ.
කෙසේ වුවද අධිකරණ තීන්දුවක් මත මේ වන විට කළු කොඩි සහ කළු රෙදිපටි ඉවත් කර ඇතත් මදුරෙයි අධිකරණයේ නිල භාෂාවක් ලෙස දෙමළ භාෂාව ප්‍රකාශයට පත් කරන ලෙස සිය විරෝධතාවය අඛණ්ඩව ඉදිරියට ගෙන යන බව විරෝධතාකරුවන් පවසා ඇත.
දෙමළ ජාතික චිත්‍රපට අධ්‍යක්ෂවරයෙකු වන සීමන් මහතාද මෙම විරෝධතා ව්‍යාපාරයට සහය දක්වා ඇති බව විදෙස් මාධ්‍ය වැඩිදුරටත් උපුටා දක්වා ඇත. adaderana
0 comments:
Post a Comment