ජෙනරාල් සරත් ෆොන්සේකා මහතාට එරෙහිව පත්කර තිබෙන පළමු යුද අධිකරණයේ විමර්ශන කටයුතු පැවැත්වීම අත්හිටුවමින් පනවා තිබූ තහනම් නියෝගය අභියාචනාධිකරණය අද ඉවත් කළේය. එම යුදාධිකරණයට එරෙහිව ජෙනරාල් සරත් ෆොන්සේකා මහතා ගොනු කර තිබු පෙත්සමක් අද යළි කැඳවූ අවස්ථාවේ මෙම නියෝගය නිකුත් කෙරුණේය. මෙහිදී යුද අධිකරණයේ කටයුතු අත්හිටුවමින් පනවා තිබූ තහනම් නියෝගය අදින් අවසන් වන බැවින් එය තවදුරටත් දීර්ඝ කරන ලෙස ජෙනරාල් ෆොන්සේකා මහතා වෙනුවෙන් පෙනී සිටි නීතීඥවරුන් ඉල්ලා සිටියේය.
ඊට විරෝධය පළ කළ රජයේ නීතීඥවරුන් එම තහනම් නියෝගය ඉවත් කරන ලෙස අධිකරණයෙන් ඉල්ලා සිටියේය. කරුණු සලකා බැලූ ත්‍රිපුද්ගල අභියාචනාධිකරණ විනිසුරු මඬුල්ල අදාළ තහනම් නියෝගය ඉවත් කළේය. ජෙනරාල් සරත් ෆොන්සේකා මහතා ආරක්ෂක මාණ්ඩලික ප්‍රධානී ධු‍රයේ කටයුතු කරද්දී දේශපාලන කටයුතුවල නියැලුණු බවට එල්ල වී තිබෙන චෝදනා විභාග කිරීම සඳහා යුද හමුදාපතිවරයා විසින් පළමු යුද අධිකරණය පත්කර ඇත. adaderana
0 comments:
Post a Comment