ඉදිරියේදී පාර්ලිමේන්තුව කැදවන දිනවල යුද අධිකරණ නොපවත්වන ලෙස දන්වා හමුදාපතිවරයාට ලිපියක් යොමුකරන බව කතානායකවරයා ඊයේ පාර්ලිමේන්තුවේදී ප්‍රකාශ කළද අද දින පාර්ලිමේන්තුවට සහභාගී‍වේ අවස්ථාව අහිමි කරමින් හා කතානායක ඉල්ලීම නොසලකාහරිමින් යුධ අධිකරණය කැඳවීමට යුධ හමුදාව තීරණය කර ඇත. මේ අනුව ජනරාල් සරත් ෆොන්සේකා මහතාගේ මන්ත්‍රී වරප්‍රසාද කඩකර ඇති හමුදාව, කතානායකවරයාගේ නියෝගයට පිටින්ද කටයුතු කර ඇත.
ඊයේ ප්‍රජාතන්ත්‍රවාදී ජාතික සන්ධාන පාර්ලිමේන්තු මන්ත්‍රී ජනරාල් සරත් ෆොන්සේකා මහතා පාර්ලිමේන්ත්වේදී වරප්‍රසාද ප්‍රශ්නයක් මතු කරමින් පවසා සිටියේ පාර්ලිමේන්තුව රැස්වන දිනයේදී යුධ අධිකරණය කැඳවීම හේතුවෙන් තම මන්ත්‍රී වරප්‍රසාද කඩවන බවයි. මෙහිදී කතානායකවරයා පාපැවසුවේ මින් ඉදිරියට කතානායකවරයා පැවසුවේ මෙම වරප්‍රසාද ප්‍රශ්නය පිළිගන්නා අතර, මින් ඉදිරියට පාර්ලිමේන්තුව රැස්වන දිනයන්හි යුද අධිකරණය කැදවීමෙන් වළකින ලෙස හමුදාපතිවරයාට දැනුම්දීමට තමා කටයුතු කරන බවයි.
තත්ත්වය මෙසේ තිබියදී අද පැවැත්වෙන පාර්ලිමේන්තු සභා වාරයට සහභාගීවීමට ඉඩ ලබානොදී යුධ හමුදාව විසින් ජනරාල් සරත් ෆොන්සේකා මහතා යුධ අධිකරණයට කැඳවාගෙන යාමට හමුදාව කටයුතු කර ඇති අතර, මෙම තත්ත්වයට විරෝධය දක්වමින් ජනරාල් සරත් ෆොන්සේකා මහතා මේ වන විට උපවාසයක නිරතව ඇත. lanka truth
0 comments:
Post a Comment